RIMAWI. CHAPTER-2

RIMAWI .   CHAPTER-2

Leh, chapter 1 a khan STANDARD SCALE LE RELATIVE SCALE ei hril tah a, 

Tuhin chu RELATIVE SCALE ei hril țan ding an tah. Relative scale chu:

Doh'

Te

Lah

Soh

Fah

Me

Ray

Doh

ti hai hi an nih a. 

Hmangruo, keyboard i nei chun c key hei hmet la, kha kha ri kha doh' nisien, d' ,t, l, s, f, m, r, d, hang ti pei la, hienghai hi i  hrietchieng hmasa phawt a ngai a nih. Guitar i nei chun c key hei hmet la, chu key le inhme chun insâng deu metin d' zuk insam la, t, l, s, f, ,m ,r, d, zuk ti thla pei la.

A hnuoia ang hin

Chun, d' t, l, s, f, m, r, d, ti cho hi an nawh a, doh ti cho hi doh lâi a nih a, doh ti chungah 1 (doh' / d') ani chun doh sâng tina a nih. Doh hnuoiah 1 a um chun doh hnuoi ti na a nih.

D¹ - doh sang

D² - doh sang nawk sawng

Doh, - doh hnuoi

d - doh lâi.

A dang hai khawm hieng ang vawng hi an lo nih. d, t, l, s, f, m, r, d, ti po hi hriet hmasa phawt ding chu a nih. Hi hi i hriet naw chun modulator i hriet nawh tina ana, modulator i hriet naw chun solfa thiem dân a um nawh.

Chun relative scale hai hin umzie an lo nei seng a, a hnuoia ang hin.

AN UMZIE HAI:

Doh¹ - Ri insâng, ri hlim

Te - Ri zum

Lah - Ri ngûi

Soh - Ri mawi

Fah - ri rem

Me - ri muong

Ray - Ri tho, ri har

Doh - Ri nghet

An nih.

Hotu dâm i nei chun insam tir la, nangin zui pei la țhâng a tih. Chun, modulator hi ri puitling le ri chenve a uma chuong hai chu.... a hnuoia anghin.

A chunga lim khi hei en la, vawitieng le changtieng hai khi ni lovin a lâia um hai khi ngun takin en la, a lien deu le a chîn deu um a tih. A chîn deu hai khi ri chenve (half tone / semi tone) an nih a,  a lien hai khi ri puitling (full tone / whole tone)  an nih. Ri chenve hai khi chu tuhin ei lan chûk naw phawt ding ani leiin ri puitling hai po khi i la hriet phawt țhang a tih.

NEXT ... CHAPTER-3