RIMAWI. CHAPTER-1

RIMAWI . CHAPTER-1

Khawvêl a nun châwmtu tak chu music hi a nih. Ringtu nun ei thlir a, Pathien thu chau inhnik a, hla tieng inhnik si lo ei tam a. Thu chu hla a nih a, hla khawm thu a nih. Thu-ah chau ei hring chun ei nun thu chauin a châwm zo ta nawh. Mi'n thu an hril a, dârkâr khat chau an hril khawma ei lo nghawk el hlak. Thu cho ni lovin hla tienga khawm inhnik hi a lo pawimaw a nih. Thu tieng ei chau pha hla in ami țhuoi hlak a nih. 

Iengpokhawm nisien MUSIC/RIMAWI eiin chûk ding ana, RIMAWI CHU iem ana ti hriet a lo țûl awm ie.

Khawvel a mihriem le thilhringhai chen khawma ei piengpui chu RI(SOUND) hi a nih. Mani tâwkah ri ei nei thei seng a, chuel bakah hmangruo, thuomhnaw le tui le thli hai chen khawma ri an nei thei seng a nih. Mihriem ei zuk țawngsuok ringawt khawm hi music a huomphâk a, thlihrâng le tuiluong ri ringawt khawm hi music a nih. Thilri tamtak inchawk pawl a rimawi/rinal tak hung suok chu RIMAWI/MUSIC ei i ti tak chu a nih.

TONIC SOLFA PAWIMAWNA

Hlatlûk i lo siem tum a, a tlûk i lo byheart el chun i lo theinghil pal thut ta chun a bo sawng el an tah. kha takah byheart kher ngai lovin solfa hmangin a ri(hla tlûk) chu i ziekthla ding an tah.

Hlasak a sukhawi bawk, mi'n hla an sak a... andiknaw a tam êm êm chu flat le beat a um lei hin a nih. Solfa hi i hriet thiem chun hla i sakpha khawm modulator hmangna ah i hmang fûk chie chie thei bawk ding a nih.

Solfa thiem hai chun "lamlâwn khawm a sukhawi, ei lungrilin ei sak zinga, ei kutin ei vei zinga...." an ti hlak.

Chu el bâkah, KHUONGPU LE THLARAU HLA neituhai ta ding khawma a pawimaw a nih. Khuongpu hin solfa a hriet thiem chun a khuong le hla chu a vuok beat thiem ding a nih. Thlarau hla nei hai khawma an sak lâi zing KEY dangah an hangin sawnkâi ding pha solfa hi hriet a lo țûl hlak. Solfa țhang kher loa thlarau hla anrem hi chu Pathien thilpêk hrim ani awm ie. Mi țhenkhat chun thlarau hla hi SOLFA a inthawkin an keidawk hlak bawk.

TONIC SOLFA ȚOBUL

Khawvela music kulpui le kûngpui tak chu STAFF NOTATION hi a nih. Hi hmang hin instrument hran hran in pêng dang an lo nei chit bawk. Staff notation hmang si, a kalhmang dang neiin TONIC SOLFA hi a hung suok a nih. 

Hun hmasa tieng Guide D Arezzo chun na ri hrietna fiena hmangin UT, RE, ME, FA, SOL, LA-TE a lo siem suok a. Guide D Arezzo in a siemsa hmangin kum 1832 AD khan D Shower in Tonic solfa siemsuok a rawt a, chu chu Sarah D Ann Glover in chiengkuong lo deuin Norwich solfa a siemsuok a, Norwich solfa hi bêlchieng nâwkin tulâia TONIC SOLFA ei hmang hi JOHN CORWEN in 1840 kum khan a siem puitling tah a, chuongchun NOTE umhmun sawn thei (Movable Doh) Tonic Solfa hi a hung um ta a nih. Tonic solfa hi mita hang hmu a, hmangruo dang ngai lo a, mihriem aw a hei sak el thei dinga siem a nih. 

MUSIC ri insâng le hnuoi a um a, chuonghai inchikna dingin hming inbûk a nih a, chu chu NOTE a nih. Note chun an sâng dân azirin hming hran hran a la nei nâwk vawng a, Ri insâng inkhina ding Pahni a um a, STANDARD SCALE le RELATIVE SCALE  a nih. 

A hnuoia ang hin.

hang en la, an hnai deu le, a kâr um deu a um pei a, C,B le F,E hi an hnai deu a, B-A, G-F, D-C  ruok hi chu a kâr a um pei a nih.   D, r, m, f, s, l, t, chenah hin ri puitling le ri chenve a um a, ri inhnai deu deu  m,f  le t,d' hai hin semitone / half tone, richenve an nih. Ankârah ri dang um thei talo an nih.  Chun A kâr inkhât deu deu d-r, r-m, f-s, s-l, l-t hai hi ankâr chitah ri dang ala um thei leiin an ni hi full tone / whole tone an nih. 

Next> chapter-2