TLANGMAWI LOCAL BIEKIN BAWL ZO A LO NI TAH.

TLÂNGMÂWI BIEKIN BAWLZO ANI TAH.

Hun hmasa taka bawlzo thei dinga hrisêlna le hrâtna, hunṭha hun lawmum mipetu hming po po lâia hming chunghnung tak êi Lalpa ISU chu inpakin um raw seh.

Hunsawt taka êilo nghakhla lê eilo thlîr chu a hmêl hmutheia ei lo umta leiin Tha lê zung tam tak sênga tlawmngai taka hung thawlâwm tuhai po po chungah Lalpa Isu hmingin ei lawmthu ei hung hril a nih.

Headquarter section  Biêltu pastor Rev.H.L Lallawmthang harsatna tamtak kârah khawm  a biel sûnga local hai țhahnem ngai thei taka a hung ngaituo rawp hlak leiin a chungah ei lawm takzet a nih. 

Headquarter section sûnga Department um hai po po a bîk takin PYD, MISSION DEPARTMENT, REVIVAL TEAM le, LAD hai chungah kan lawm thu kan hung hril mawl a nih. Țhuoitu țhahnem ngaitak tak haiin hunbi hung riruongin vawitam tak tlangmawi biekin bâwl dingin ke an lo pênsuok na hai hi Lalpa hmingin ei lawmthu an chungah ei hung hril a, an rawngbawlna Lalpân an hma țhuoiin malsawm pei raw seh.

Iengtiklai khawm, sin dang țhul hiel  khawpa Lalpa biekbûk bâwlna dinga an hun dang hlu tak tak lo chân tu, Tlangmawi local ngei khawm a chîn a lien, an harsatna dâwn chuong loa an rawngbawlna lientak a ngaiin raw le thli hnuoia le nisa lum tak tak kâra hai chen châwl loa an sin an mi châi pêk naw leiin an chungah Lalpa Isu hmingin lawmthu ei hung hril takzet a nih. An sin in rimna po po Lalpa'n malsawm pei raw seh. 

Iengkima Nu le Pa tak District houtuhai enkawlna hnuoiah hieng chen ei lo phâk leiin an chungah lawmthu ei hung hril bawk a nih.

Lalpa kona râwl hrea fesuok ve thei si tam tak hai an inphalna leiin Lalpa hmingin lawmthu ei hung hril bawk  a nih. Fesuokin va thaw theinaw hai sienkhawm Lalpa ram țûlna leia an nei ro, sum le pâihai phal taka an hung thawlâwm leiin Lapân an chungah malsawm pei raw seh. Ei lawm tak zet zet a nih ti chu bau hin hril theim naw sienkhawm kan lawm a nih ti chu mi lo hrepêk hrâm dingin eiin ngên mawl a nih. Ei lawmna hmêl chu tuhin hmu theiin a hung um tah.

FIELNA: Tlangmawi local biekin thar hi kan damlai nia ding chun kan lâwm tâwpkhâwk pakhat chu a lo ni ve leiin ei lâwmzie suklanga a um theina dingin FEBRUARY thla an naw leh MARCH thla 2017  a hin a lâwmna hunser hmang nîng a ta. Hi taka hung țhang ngei dingin tlângtin le muoltina Krista zâra ka unau dittak hai po po Lalpa Isu hminga fiel seng ei nih.

Report tu: Songrokung .Local PYD secretary (Pydtuolzawl admin)