THIENGHLIMNA - PART~2

THIENGHLIMNA - PART~2.

"In thienghlim ding a nih, kei ka thienghlim si a" (1pet 1:16, lev 11:44-45, 19:2)

Ei Pathien hin "in thei chun lo thienghlim ro" a nawh. "In thienghlim ding a nih" a ti tawp el a,  thupêk le zâwm ngei chi ani tlat. 

Ei thienghlimna ding bulpui tak chu suol thisan vawnga, phûm bo vawng hnungah Thlarau thienghlim dawng hi a nih a. Hieng bâk hi chu a bul ding dang a um hmêl nawh.

"Anni chu thutakin suk thienghlim rawh, i thu chu thutak a ni sih a" (joh 17:17) Isu'n a lo tih a. Pilatin "thutak chu iem ana?" , thutak a hriet nawh.

Thutak chu ei sandamna chanchințha hi ani phawt a (eph 1:13). Chu chanchințha chu Isu a thina le phûma a umna le a thonâwkna țawmpui hi anih (1kor 15:3-5,  rom 6:2-8).

Thutak chu Pathien thu hi ani a (joh 17:17, psam 119:160) Thupêk, zâwm dinga ami pêk ani leiin zâwm lo thei ding ei ni nawh. Chubâkah ei Pathien ngei khawma sawisêl a phal naw a nih (mat 7:1).

Thienghlimna i nei ding chun Ringumna le Dikna i nei a ngai a nih.

(1). Mi thil i haw a i pêk kîr ta naw chun i ringum nawh.

(2). Mi thil i lâkrûk a i ringum nawh.

(3). Bûkna diknaw i hmang chun i thienghlim nawh.

(4). Sum i enkawl a, i hmang rûk chun i ringum nawh. 

Hieng bâkah thil dang tamtak a um... 

Thienghlimna ei hril phât a, hrilsa ngai zie chu INCHEINA hi a nih.

Nuhmei, pasal nei tah hnung inchei dân chu mani pasal thuthua um hi inchei dân țha tak a nih (1 kor 3:1,2).

Nuhmei sam phier dâm, rangkachak țhi awr le silfen man tam taluo inchei ding ani bawk nawh (1 pet 3: 3-4). Samsei nei ding (1kor 11:10,15). Pasal thuomhnaw a inbel lo ding (deu 22:5). 

Thalaru indiktak dawnghai chun an kekawr bûl taluo in an tan ngai nawh a, an bun ngai bawk nawh. An sam an suksen in an sukdum ngai nawh, a umdân pangai a um bâka țha a um nawh. Chun, nuhmei chun inkhâwmnaah puon lukhum a khum ngei bawk ding a nih.

Pasal chun, samsei nei lo ding (1 kor 11:14). Bible in a hril naw tulâi khawvêl a hin incheina kawngah a hung suok pei a, T-shirt puma inkhâwm mei mei, sam kawl raka um, incheina kawnga inzapui um tak tak hi eini chun ei thaw ve ding ani nawh. 

Thienghlimna chungchângah pawisa nawtu hai chu mihriem pawisa naw ni lovin Pathien pawisa naw ani lem (1thes 4:8) leiin ți a um êm êm, zâwm tlat ding a nih. 

Zuk le hmuom hai sim ei ta, lungril țha naw, inthikna, thu awi nawna, duâmna, hai le nunghâk tlangval lak suolhai sim ei ta, nun thienghlim takin Lalpa rawng bawl ei tiu. Amen.

   PYDTUOLZAWL